Şirkət 2005-ci ildə fəaliyyətə başlamış və Alman texnologiyaları ilə yüksək keyfiyyətli məhsullar istehsal edərək, Azərbaycanın tikinti sektorunda layiqli yer tutmuşdur. Ən yeni, müasir texnologiyaların tətbiqi ilə "Palitro", "Plazma", "FBF" və "Kolber" markaları altında müxtəlif çeşiddə boyalar, laklar, dolğular, həlledicilər, binderlər, PVA-Tutkal yapışdırıcıları, fasad və keramik plitə yapışdırıcıları, aralıq doldurma qarışıqları, hidroizolyasiya qarışığı, beton səth ilə gips əsaslı suvaq arasında əlaqə yaradan Palitro Kontakt yapışdırıcısı məhsulları və s. istehsal edir. Şirkətimiz istehsal sahələrini və məhsul çeşidlərini artırmaqda davam edir.

İstehsal etdiyimiz məhsulların keyfiyyət göstəricisi yüksəkdir, ixtisaslı kadrlar və müasir laboratoriya nəzarəti mövcuddur. Şirkət ISO-9001 və IQ-Net idarəetmə sistemlərinin tələblərinə tam cavab verir. Biz yeni məhsul çeşidləri ilə öz istehsal proqramımızı zənginləşdirərək sistematik şəkildə inkişaf etdiririk. Yüksək istehsal texnologiyası bizimlə əməkdaşlığın etibarlılığını sübut edir.