Hansı boya harada istifadə olunur. Boya növləri

Divarlarınızı xarici faktorlardan qorumaqla yanaşı, evinizə tam fərqli bir atmosfer bəxş edən divar boyaları son illərin evdekorasiya trendləri arasındadır. Əvvəlki illərlə müqayisədə bu gün divar boyaları müxtəlif üsullarla tətbiq oluna bilər. Məsələn, divarların alt və üst hissələrinin ahəngdə olacaq müxtəlif rənglərə boyanması, otağın bir divarına fərqli rəng tətbiq edilməsi, həmçinin həndəsi boya və lent texnikası tətbiqləri diqqət çəkir.

Təbii ki, arzuladığınız məkana çatmaq üçün evinizi hansı boya tətbiqi ilə bəzəyəcəyiniz qədər, hansı boya növünə üstünlük verdiyiniz vacibdir. Bu nöqtədə boyaların istifadə sahələrini və xüsusiyyətlərini bilmək lazımdır. Çünki "boya" dedikdə ağlınıza ilk gələn divar boyasıdır, lakin fərqli sahələrdə istifadə olunan boya növləri də var və qiyməti daha münasib olduğu üçün aldığınız boya divarınıza uyğun olmaya bilər.